Taekwon-Do-p oqaluttuartaa

 

Taekwon-Do illersoriarnermut periaasiuvoq Koreamiit ineriartortinneqarsimasoq. Taekwon-Do itsarsuarnisanik ilitseqqussa­nit assigiinngitsunit timersuutinik aallaave­qarsimavoq. Silladynastiimit aaqqissuul­luagaannit matuma ukiut 2.000 siornatigulli ilai atuupput. Ukiorparujussuarniit Taekwon-Do ineriartorterujoorneqarluni timersornerpalaarnerulersillugu, taaguu­tigilerlugu”tae-kyon”, kisianni ukioq 1949-mit 1953-mut Korea Japanimit tiguar­neqarnerata nalaanni “tae-kyon” Korea-mi inerteqqutaavoq. Ukiuni1949-1953 Korea- sorsunneq pivoq. Sorsunnerullu naammat Korea avinneqarpoq Korea avannarleq, Korea kujallerlu. Piffissap iluani Taekwon-Do-mik assingusut aaqqissuussinertut pisarsimapput.

Generali Choi ITF-lu

Choi Hong Hi (1918-2002) Taekwon-Do-mik ullumikkut nalunngisatsinnut ineriartortitsimasuuvoq. Choi Korea avannarlermi inunngorsimavoq japanillu tiguaasimanerata nalaali peroriartorluni. Sorsunnersuup aappaani Choi pinngitsitsaalisaalluni japan sinnerlugu sorsoqataasimavoq. Sorsunneq naammat Choi generalinngorsimavoq Korea kujalliup sakkutuuannut. Taamani aamma annertuumik kommunistiusut Korea avannarleq aningaasaatilissuit Korea kujallerlullu imminnut akerariissimapput. 1950-kkunni 1960-kkunnilu general Choip koreamiut timersornermik atuarfii tamaasa ataatsimut aaqqissuussimavai peqatigiiffimmut Korea Taekwon-Do Association (KTA), tassani general Choi kattuffimmi siulittaasuusimalluni. 1955-mi Choi ataatsimiisitaliamik siuttuuffiganerani timersuutit ataatsimut kattussuunnerani oqaaseq Taekwon-Do qinersimavaa. Choip kissaatigisimasaa timersuutit ataatsimoor­nissaata saniatigut Korea avannarleq kujallerlu ataatsimut kattutiteqqinniarlugit, 1966-mi general Choi Korea avannarler­mukarsimavoq Taekwon-Do-mik takutitsi­artorluni, kisianni naalakkersuinermi Korea kujalliup taamaasioqqusimanngilaa, taamaasilluni general Choi qinnuteqarluni Canada qimarnguivigalugu, toqunngit­siarmi sioqqullugu nunagisimallugu. 2002-mi General Choi inunngorfiminut Korea avannarlermut angerlarpoq. 1966-mi general Choi Korea kujalleq attaveqafigi­unnaaramiuk KTA-mut attaveqaateqarnini taamaatippaa. General Choi International Taekwon-Do Federation tunngavilerpaa. Ukiulli arlallit qaangiummata – 1973-mi – Korea Kujallermi nunat assigiinngitsut akornanni peqatigiiffik World Taekwon-Do Federation (WFT) – taamaallaat politik­kikkut akuerisinnaanngimmasuk ITF-i. Isumaqatigiinngissutaasoq ITF WTF-llu Taekwon-Do-p akornanniittoq suli inger­lavoq, taakkuali akornanni pisoqaaner­paarli peqatigiiffinni ITFiuvoq.

 

Grandmaster Leong Wai Meng

Grand Master Leong GTF-lu

Kalaallit Nunaanni Taekwon-Do ilisaritin­neqarpoq Albreth Damgaard Petrus Biilmannilu Qallunaat Nunaannit ilinniaga­qareerlutit Nuummut Maniitsumullu anger­larmata, tassanilu sungiusarsimallutik Taekwon-Do-mik. 1977-mi Grand Master Leong Wai Mengip tikinneraniit timersorneq aallulluarneqanersimavoq. GM Leong sinerissatsinni illoqarfinni arlalinni Taekwon-Do klubbit pilersippai 1979-lu Kalaallit Nunaanni Taekwon-Do Kattuffia aallarnerpaa (GTF). GM Leong Kalaallit Nunatsinni pingaarnertut maligassiuisuu­sutut Taekwon-Dop pilersinnerani inger­latsisuuvoq. GM Leong qanimut Kalaallit Nunatsinni attaveqarpoq, naak GM Leong massakkut 9. dan-miittoq, taamaasilluni ITF-p iluani qutsinnerpaamik inissisima­suulluni, sulilu soqutiginneqaluni qanoq Taekwon-Do ineriartornersoq Kalaallit Nunaanni.